2011年12月10日 星期六

韋太有緣相聚2011 - 除夕夜 下午Blog 聚

韋太近年來不停忙於工作,日做夜做 ...


做到身體機能都開始減退 ...


其實做係做唔死人,但係那 [無形的工作壓力] 的威力真係令人瘋癲。


自從 2009年暑假期間,韋太第一次出了兩本個人食譜 [龍鳳胎],曾舉辨了 2次 blog聚,而每次都有多位韋太的 Fans參加,令韋太雀躍萬分 !


按 --->此查看過往 Blog 聚花絮  或 按此


今天,韋太突然想攪一次年尾 Blog 聚,原本想在平安夜,但係太遲決定及場地巳滿。所以想試下在 12月31日 除夕夜 (下午) 舉行。不過,都係試問下,唔知會唔會有朋友參加,因為今次的舉行地點在元朗區 (某大屋苑會所)舉行。(近千色廣場)


若一星期內反應或人數太少,都未必會舉行。


有興趣參加的 Fans 或朋友們,請入內繼續查看詳情及留言回覆。


韋太都係今天突然想攪 blog 聚,其實詳細構思都未有,因為怕無人有反應,所以都係想用以下方式舉行,希望大家比下意見。


參加人數 : 20-40人   


成人費用 : 暫定 $ 150.00/位 


小童 (3-12歲 $ 50.00/位) *


日期: 12月31日 (下午: 3:00-6:00pm)


另附加條件 :


每位 Fans / 朋友  要準備一款自家製 - 拿手食物 (包括 :甜品、蛋糕、小食、沙律、派對小食等 )  份量只需要預 6-8人份量。(每人預備 1個食物盒,方便將大家餘下的食品可以帶回家繼續品嚐,以免浪費食物)


* 韋太只會提供有限度的自製食品 (按人數到時再訂),或當天中午有朋友能早些前來與韋太一起烹調再另行安排 * 因為叫到會回來的食品不一定會好吃,自家製新鮮熱騰騰才好吃 **


** 請各位盡快在下星期五 (12月16日中午)前留言及用電郵與韋太報名及提供將會帶來的食物以供參考,最好提供多一款後備的款色 **


若多人重覆某類食物 (如: 雞翼,沙律),韋太再稍後再與各位聯絡。


報名電郵: (請大家留底閣下的聯絡電話)


Email: irenechan512@yahoo.co


查詢請注意 : 正確地址只會在確認付款後才提供


活動內容 : 大家分享 或 交流煮食心得,品嚐大家的美食。除夕幸運大抽獎,韋太簽名會 (有書帶來都會簽,哈 ! 哈 !)


或者會有麵包製作示範等等


多謝各位支持,希望大家擁躍參加 !






沒有留言:

張貼留言