唔知點解，比賽那朝早，一起身就發覺個肚好似好辛苦，出到街加埋打風的氣壓影響，真係唔暈都算偷笑。好采，最後都準時去到會場報到。
報到完，3位準星級家廚先去到自己的崗位準備決賽的材料。位置係大會預先安排好，但韋老爺一見到韋太的場地就暗暗自笑並告訴韋太場地係為韋太而安排 !
因為韋太煮餸背後就係一張大形宣傳海報，韋太企埋去煮餸，就好似變左星級大廚 .... 哈 ! 哈 ! 韋老爺都識得攪笑 !
以下呢張相都可以見到 3位準星級家廚的位置。
成張海報在背後，韋太當然要照底張相留諗。
比賽前都要準備將材料切好。邀請韋老爺來出席，當然係做攝影師啦 ! 但係呢個攝影師都好懶，只係開頭影左一些，後來比賽時的照片都影得好少 ... 激 C ...真係要打佢
以下就係韋太完成的參賽作品 :
第一款係 : 七彩蝦丸
韋太係即場手打爽口的蝦丸去炒菜色，好彩評判贊賞蝦丸夠爽口彈牙。
第二款係 : 冬茸海鮮豆腐羹
有位評判都好鐘意呢個清熱解毒及利尿的湯羹呀 !
韋太與評審委員及家樂牌公司的工作人員合照。
雖然，今次比賽結果韋太只能取得第 2名，但係聽聞家樂牌高層人員同韋太講總分只係差幾分 。韋太想起那幾分就係網上投票韋太巳輸左 5分。
唔緊要啦，韋太志在參與。不過，韋太好似做左港姐的親善大使，高層付責人同韋太傾開計話希望再有機會幫家樂牌做下宣傳大使。韋太當然話無問題啦 ! 哈 !哈 !
比賽後，當然要找大明星一齊合照啦 !
韋太慶幸能與蘇玉華及芝芝姐合照。
當然唔少得 我地 3位 星級家廚一齊大合照啦 !
合照完，最後 3位星級家廚都要接受 5分鐘的訪問，又要對住鏡頭，韋太真係唔知講乜好啦 ... 最後只講左少少就算啦 !
想睇結果及各參賽作品 --> 入去家樂牌網站看看
其實講真今次能夠有機會進入總決賽，除左要靠自己有實力，當然唔少得各位 FANS的支持及投票，韋太才能夠入選。
最後，韋太在此衷心多謝每一位朋友，FANS 及 家人的支持 !
沒有留言:
張貼留言