2015年5月11日 星期一

清熱袪濕 - 自家製 - 雞骨草涼茶

韋太一向注重家人健康,所以每天都要煲湯。當然煲湯都要看家中成員是否有病而另去配合。但有時無病都要留意是否熱氣或身體有少毛病等... 都要煲番幾次涼茶去幫助身體袪濕。
呢個配方係韋太細細個的時候,媽媽都喜歡煲涼荼,成日口講好似背書一樣將成份內容一一數晒出來。至於份量幾多,其實都係每樣少少叫藥材店去 [執],唔使每項去秤。
只要話執包 [雞骨草涼茶] 約幾錢全包,藥材店主要就秤雞骨草的重量 (價錢),其餘就每樣約秤幾錢重,每樣執啲就 OK.
* 韋太試過買超市那些樽裝雞骨草,兩位大少爺話唔好飲,又苦又唔甜,從此以後都唔買 **

 
當然要看地區及雞骨草的價錢才知成包大約要幾多錢啦 !
以下份量,韋太叫工人姐姐去煲,佢都要用個大煲 (15公升煲)去煲,煲完有幾多 ?
我見雪櫃都有好多枝雞骨草,計埋都有超過8分升。8公升有幾多 ?
好容易知,去超市買一枝公升氣水或 2公升果汁先生,有 4大樽呀 !
片糖份量約 1條 對 1公升水,呢度成 8 公升 都要成包 (約 8片)
** 記住 : 要煲好雞骨草,隔晒渣,才將片糖加入去煮溶及試甜味 **
 若大家無咁大個煲去煲,可以將以下份量減半,或買 2札雞骨草叫店員分2包,留作 2次去煲都可以。
 雞骨草涼茶
功效 :清熱袪濕
雞骨草  2 札  (約8-12兩)
以下材料全部各少許,約2-3錢重

(約 $12- $18全包以下6樣都應該 ok,每樣2-3蚊)
金錢草,夏枯草,綿茵陳,
雲苓,白朮,
甘草 (要多D)*可清肝毒 *

********************
回家清洗,加入清水 10公升去煲,慢火煲1小時,隔渣。
再加入片糖去調較甜度。
以下只供參考:
1000 毫升水  加入  1條  片糖
** 有病就唔好飲住啦 ! **

沒有留言:

張貼留言