手打墨魚餅

我成日以為我媽咪個一代唔係太識整一些特別小食,
但當我從姐姐口中, 知道媽咪以前整過一些非常之彈牙的
墨魚丸後, 便急不及待去向媽咪請教. 由於媽咪都係口術給我聽,
而我聽完都係用惱去記住, 我怕我會唔記得, 唯有聽完第三天內
立即去買材料試下.
一試之下 (加上我的聰明), 果然做出彈牙的墨魚丸.
但唔講你唔知, 我買一斤墨魚去試下, 七除八扣, 你固下最後d肉有幾多兩呢 ?

　　內附材料及用具一覽　




墨魚餅
材料 : (12 小件)
墨魚  2斤   (去除頭尾, 淨肉只得約半斤)
馬蹄  6-8 粒 (切幼粒)
肥豬肉  100g  (或用豬肉)
鹽水  :　鹽  半茶匙  +  2 湯匙 水 （攪溶）

做法　：
1.將墨魚洗淨及清除內臟及硬塊後, 隔水備用. (墨魚頭及鬚唔可以用)
2.將肥豬肉攪碎備用. (如用豬肉一樣做法)
3.先將墨魚放在按板上, 用木棍將墨魚刴至鬆身. (刴爛都唔怕)
  然後將墨魚放入攪拌機內攪成茸.
4.將墨魚茸放入大碗內, 然後將鹽水分數次慢慢加入去攪成墨魚膠, 最後一次 加入鹽水時, 順便將肥豬肉加入再次攪勻及撻至起膠後,
  將馬蹄粒加入拌勻及放入雪櫃冷藏一會才去煎, 效果更佳.
5.煎墨魚餅時, 將手預先用水弄濕, 然後將一湯匙的墨魚膠放在手掌上按扁後, 立即放入鍋內煎至兩面金黃色即成

注 :
墨魚頭及鬚可以留起用來炒菜, 但切忌不可以加入去攪, 因為會影響到打唔起膠的.
加入肥豬肉會令墨魚爽口d 及顏色雪白, 如加入豬肉則會影響賣相. 但如果是家庭菜色, 可以改用豬肉會健康d.