早排要練習考試菜色,所以順便影底做法與大家分享。
其實家庭式做法係怕唔夠鑊氣炒唔起。牛肉要好食一定要跟足酒樓式醃
法...(即加入鬆肉粉及梳打粉)。自家製作可以自行決定加唔加。
但唔加都係那一句,牛肉唔鬆唔好食就唔好問韋太點解。
牛肉走油真係滑好多,餘下啲油我留番在兩天煮餸用埋佢,
這樣就唔會覺得浪費太多油。
以下食譜供大家參考,希望大家都能夠炒出一碟美味而又不油不膩的
[乾炒牛河] 啦 !
材料:
河粉 400 克 (預先拆鬆)
牛肉 / 急凍牛仔肉 100 克
銀芽 30 克
洋蔥 1/4 個 (材料圖片忘記影)
韭黃 20 克
牛肉醃料:
鬆肉粉 、梳打粉 、雞粉 及鹽 各 1/4 茶匙
生粉 1/2 茶匙
清水 2湯匙
調味料:
雞粉、生抽 各 1茶匙
老抽 1湯匙 (最後唔夠可再加少許)
美極醬油 1/2 茶匙
砂糖 1 茶匙
做法:
1. 牛肉切逆紋,順序加入醃料攪勻至水份被牛肉吸收醃15
分鐘。
2. 燒熱鑊落2湯匙油 (或用1碗油走油),將牛油倒入快手
炒至7成熟盛起。
3. 將鑊燒熱至出煙,加入1湯匙油,然後倒出,另再加入
少許油燒熱,將銀芽及洋蔥爆炒一會,加入河粉不停快
手兜炒及將河粉炒熱,才將牛肉加入炒勻,最後將調味
料慢慢加入炒勻。
4. 最後加入韭黃炒幾下收火即成。但家庭式炒法唔夠鑊
氣,韭黃怕生的話,可以在落銀芽時一齊加入去炒。
韋太小貼士:
家庭式做法一定要將鑊燒熱,加入凍熱及倒出,才將燒熱油
去炒,就唔怕河粉黐鑊及炒碎。
新鮮牛肉太貴,大家可以到凍肉店買急凍牛仔肉去炒,
經濟又實惠。
沒有留言:
張貼留言