麵包蛋糕入門新手必讀篇

致 :各位初來韋太烹飪教室的朋友，

大家好呀　！　

韋太為左方便初來到訪的朋友，又精心製作左一個簡單的頁面給大家容易閱讀，原因係再好多新手來到都急不及待要學整蛋糕，但韋太網誌內容太多太豐富，一時三刻要去慢慢看都要看幾日先看得晒 .......

韋太有見及此，所以選取左一些常問的問題放入去 !

新手有興趣就請入去看看啦 !

詳細內容在 SINABLOG 那邊，請移玉步 !

http://irenechanwai.mysinablog.com

 

韋太兩本新著作 - 7月22日 出版啦 !

親愛的朋友，

韋太兩本新著作將會在7月22日出版啦 !

有興趣的朋友記得去書展及各大書局買啦 !

詳細內容，請移玉步去 Sinablog 的韋太烹飪教室看啦 !

第一本食譜書 :

書名 : 自家製懷舊小食　

出版社 : 　壹出版

書內食譜包括 :

58款街頭小食、甜品及中西式糕點及糖水

 

內容簡介 :

提起懷舊小食，唔知大家第一時間想起那些街頭小食呢 ?

雞蛋仔、碗仔翅、咖哩魚蛋、還是豬腸粉呢…

不過，現今的小朋友好少有機會在街外品嚐到這些美味的懷舊小食，

因為父母認為這些街頭小食製作過程欠缺衛生，所以寧願不食，都不願意讓子女去嚐試。

本書作者深明此道理，她以簡單的方法製作出多款不同的懷舊小食給大家，

自家製作的食品，不但衛生美味，而且還可以和仔女一起烹調及製作，

讓大家增進親子的關係 !

http://irenechanwai.mysinablog.com/index.php?op=ViewArticle&articleId=1815593

第二本食譜書 :

書名   : 一口果香 

出版社 : 海濱圖書有限公司

 書內包括 52款 不同食譜 :

中、西式小菜、蛋糕、甜品、

曲奇、小食及特飲 及蛋糕製作技巧等等 ...

附中文、英文 翻譯   

http://irenechanwai.mysinablog.com/index.php?op=ViewArticle&articleId=1820455

 

Cuisinart 每週食譜推介 - 燒羊扖核桃 – 配青綠香草汁

Cuisinart 每週食譜推介 (2)

燒羊扖核桃 – 配青綠香草汁

 

韋太學左西餐課程都成 1年，雖然話煮西餐好似好容易，

但其實整一餐有頭盆、餐湯、主菜的西餐都花左唔少時間。放假想話簡簡單單去煮一餐西餐，煎幾塊扖都要分幾次先至可以煎完及座埋一齊食。 自從韋太有左呢部 Cuisinart 電烤爐之後，真係做乜都快一倍時間，煎羊扖可以一次過煎5-6件都得，真係好方便。

其實，只要大家肯花少少時間去諗下，原來呢部

Cuisinart 電烤爐 都可以做出好多不同種類的菜色及小食架 !

 

 材料:  (份量按照食用人數自行決定)

羊扖   5件

無衣核桃肉  80g  (預先烘脆及切幼粒)

PESTO香草醬 羊扖醃料 :

鹽  1茶匙    黑椒碎  1/2 茶匙     菜油  1湯匙

Step – 1  :

先將羊扖洗淨瀝乾水份，然後搽上醃料及淋上菜油醃15分鐘。

Step - 2

預先將扖爐調較180度預熱4-5分鐘，將羊扖放入排放好

(最多可放6件)，然後用相同爐溫，焗約7-8分鐘或理想的生熟程度。

Step – 3

由於此扖爐的特色係上下平均受熱，所以，無須將羊扖反轉再煎，煎煮的時間巳減短，肉汁能夠鎖住，煎完的製成品能夠保持原汁原味。

 Step -4

將2-3湯匙的PESTO香草醬混合核桃內拌勻, 然後搽在羊扖上，面層再洒上芝士碎，放入預熱180度的焗爐內，

焗約10分鐘至表面金黃色即成。

 

韋太生活小貼士 :

用 

電烤爐 煎焗出來的肉類，由於電烤爐的設計獨特，鉸鏈浮動蓋，可根據食物厚度調整高度，肉類能夠上下平均受熱，煎煮的時間巳縮短，即時將肉類汁液鎖住，以免大量流失，煎焗完的製成品能夠保持原汁原味。

不沾的健康烤盤，能夠將肉類多餘的油份隔開及流走，食得健康，實現健康烹飪。

 

Cuisinart  電烤爐  零售點及查詢請按此

  

 

 

Cuisinart 每週食譜推介 - 香蕉熱香餅 + 花生熱香餅

Cuisinart 每週食譜推介 (1)

  香蕉朱古力熱香餅          

  

     

花生熱香餅  

 

以前成日整熱香餅真係麻煩，因為用易潔鑊有時隻鑊花左或隻鑊大隻啲都好難去控制落漿的大細件…

而每次只係可以煎一件，想煎多幾件都要企係到有排等 …

韋太自從有左呢部Cuisinart電烤爐之後，整熱香餅真係好方便，一次過可以做兩款不同口味的熱香餅，而且爐溫又容易去控制，又唔怕會煎濃及企到腳仔軟 ......

一爐多用，當然合晒韋太呢啲師奶性格的人（唔會買蝕底的爐具），而且幫我慳返唔少時間，整完熱香餅當早餐，還可以即時整埋”豆沙窩餅” 做埋晚餐的甜品還可以呀 !

 

食譜請參考 - 請去韋太烹飪教室主網站 :

 

http://irenechanwai.mysinablog.com/index.php?op=ViewArticle&articleId=1759746

2009 年 -322壽包製作日 (東華三院長展勤11週年)

雖然今天係星期日, 但一早七點幾又要趕住起床去返工 !
或者你地會問點解那麼勤力呀　？
唔係勤力 ! 係之前被某大機構轄下的部門邀請韋太去教授壽包製作, 為他們部門慶祝十一週年生日紀念日 !
今天為免遲到, 所以一早就要起床, 提早成個鐘到達香港仔, 才慢慢食早餐, 
因為如果遲到我都唔知點算好 !!
今天整左成二百幾近三百個壽包呀 !不過蒸唔係我蒸, 而係拿去大廚房等師父用蒸櫃去蒸 !
韋太今日見識到乜野叫做大廚房呀 !!!
佢地呢個機構好大, 連個廚房都成幾千尺, 每日要煮成2-3千人食的飯... 你地入去看看廚房d用具及蒸櫃 !! 好犀利呀 !

 
 

 大家看看下面張相, 入面d字係用壽包砌成的, 係咪好有心思呢 ? 

(韋太都有影相架)


下面係大廚房 :

韋太烹飪教室3週年啦 !

大家有時間過去Sinablog 參觀及留言 !

http://irenechanwai.mysinablog.com

3 週年蛋糕精選巡禮 !

http://irenechanwai.mysinablog.com/index.php?op=ViewArticle&articleId=1586518

海棉蛋糕製作過程 - Video

大家好,

新年快樂 !

我呢個懶人在 Yahoo Blog都好少出post, 原因係我主要係在Sinablog有個

網誌, 呢個開來係方便去其他網友內聊天用的.

所以, 大家如對烹飪有興趣, 可以到以下網站看看 !

 " 韋太烹飪教室 " http://irenechanwai.mysinablog.com

我個網站就來3歲生日啦 ! 有時間就到訪交流煮食心得啦 !

至於Video, 麻煩大家過去看看 !

http://irenechanwai.mysinablog.com/index.php?op=ViewArticle&articleId=1557662

2009年 - 耆康會護老中心 - 壽包製作日

今天被耆康會的邀請去沙田教授壽桃包製作, 原本他們本來想邀請韋太在農曆年初七去教授一大班義工一齊製作一千個壽包去送給一些獨居長者或隱居的長者. 可惜韋太當天唔得閒,之前都推掉了,但他們又找唔到導師在當天出席教授. 
所以, 他們唯有要求韋太將絕招全部傳授給他們中心 (安老院)的廚師及其他義工, 希望他們能夠在當天將韋太的心得再去教授其他義工及嘉賓 !(聽聞嘉賓有李曾超群)

有了上次的經驗, 

今次我只係帶備一些簡單的工具及材料, 在短短的兩小時內完成整個過程,希望他們在人日當天能夠一切順順利利啦 !

我只係拍下幾張相片, 因為都忙於教授及幫手講解當天他們要注意的事項, 因為你知啦, 製作大量的成品要安排得妥妥當當先得架 !
不過,雖然我不在場, 但我巳幫他們計算全部材料的份量及出場安排的時間....還有天氣會影響麵糰發酵等等等... 問題都講解晒啦 !

大家都好心機去包架, 個個都包得好靚呀 !


蒸好後 ....

 不過上完妝後, 每個人就取回自己一份就趕住要走, 所以韋太都來不及幫他們拍照.....
只有餘下呢個小朋友被我足住影相 !

蘿蔔糕

蘿 蔔 糕
每年新年, 我都會整好多盆蘿 蔔 糕送給朋友吃,
每底蘿 蔔 糕都用約6斤的蘿 蔔, 但由於有些朋友想
自己整細盆d去試下, 所以我就寫了這個細的份量.....



細的份量都有成 2 個 (1磅裝) 牛油蛋糕模, 如果做6斤蘿蔔, 都有 5 -6 個 牛油蛋糕模的蘿蔔糕, 每盒再可以一開二, 分成 2 份, 方便送小小給朋友試食.

 煎香後的蘿蔔糕好好味架 !　唔信　？　得閒去試下, 唔使等新年都可以整　！


 食　譜　

材 料 :
蘿蔔糕      2斤半  ( 1500 g)
冬菇        4 粒
臘腸        2 條        
蝦米        1 湯匙
生油        適量
粘米粉      250 g 
水         150 ml ＊(如果蘿蔔水份夠, 就可以不用加, 若然唔夠水,就加入適量水份去開漿)
蔥 粒       適量
巳炒香芝麻  少許

調 味 料 :
糖  2茶匙  /  雞粉  3/4 茶匙  /  鹽  3/4茶匙  /   糊椒粉  3/4 茶匙  

製 法 :
1.蘿蔔洗淨去皮刨絲, 蘿蔔水隔起備用.
2.冬菇 蝦米及臘腸切粒, 預先爆炒後, 留起 2湯匙後下, 放糕面    裝飾.
3.粘米粉加入蘿蔔水內, 如粉漿太乾或太杰弋而不能把粉開      成漿, 這時才有需要加入適量的水份.
4.燒熱鑊, 用少許油將蘿蔔絲爆炒片刻後, 將調味料加入, 蓋       上鑊蓋, 將蘿蔔焗至霖身後,才加入臘味料拌炒.
5.將粘米粉漿攪勻後, 慢慢將粉漿傾入蘿蔔料內快手拌勻.
6.糕盆預先抹油, 然後將巳拌好的蘿蔔糕料傾入, 用手抹平表   面後,將預先盛起的臘味料放在糕面上, 大火蒸 1+1/2 - 2小    時.

7.蒸好後的蘿蔔糕, 出爐時要立即灑上蔥粒及芝麻, 否則, 糕身冷凍後就黐不上.

注 :
1. 如要測試糕身熟未, 可以用竹簽或筷子插入糕內, 如果竹簽沒有沾上粉漿, 即表示糕巳熟..
2. 如果蘿蔔水份夠, 可以不用加水入粉漿內.
3. 有時買蘿蔔的斤兩會有出入, 好難話足 2斤半, 如果多了少許, 可以自行最後加入適量乾粘米粉去控制糕身杰度.
5. 如要送禮, 不用分開一盆盆去蒸, 只要將剛蒸好的蘿蔔糕立即轉入其他錫紙盒或膠盒內, 用油抹平表面及灑上蔥粒及臘肉即可.
6. 如想做大盆d, 就可以用 6斤蘿蔔 + 500 克 粘米粉. 水份就一定唔使加, 就自行加多一倍的調味料.