焗爐燒鴨

原本想買一隻雪藏的" 米鴨 " 試下做焗爐燒鴨,

但剛巧店內老版話有隻原本交去酒樓有多的(冰鮮鴨)賣,

所以我諗住都會新鮮d, 所以便買了, 回家只放入雪櫃下層,

諗住第二晚放工去醃及吹過夜,所以便沒有將隻鴨先行再急凍.

隻鴨都有成2斤幾3斤重, 一個人好難處理, 所以要工人幫手才可

以去用"滾水" 綠皮及焗後去用"滾油" 最後上色.(好危險的動作)

過程工夫好多, 由於隻鴨太大隻, 入左焗爐都好難轉身,

所以燒得唔好. 花了好多工夫, 最後食落口時, 可能係之前買的時侯, 隻鴨放在室溫退了冰太耐而有少許變了質..... 為了唔想家人食後有問題, 最後大家都係食了幾口就全部送了入垃圾箱....

不過下次我會再去試 !!!!

 

內附食譜 ....  

焗爐燒鴨

材料 : 米鴨  1隻  (約 2-3斤)

醃料 :
鹽  1湯匙 (15g)       //  砂糖  1湯匙 (15g)
五香粉 1/2 茶匙 (1g)   // 味之素 (或雞粉)  1/2 茶匙 (1g)
八角  3粒  //  桂皮  2片   //  沙薑   3粒
乾蔥茸  25g

上皮料 :
白米醋  50g   +  麥芽糖  38g   -- 隔熱水座溶 

做法 :

1.先將米鴨洗淨及去內臟後瀝乾水備用.
2.將以上所有的醃料拌勻後放入鴨胸內搽勻, 鴨尾用鐵針或線縫好, 醃半小時.
3.燒熱一鍋大滾水, 然後用滾水淋在鴨身上至表皮變色 (由白變黃),
  用鉤掛起鴨後, 再用上皮料塗勻外皮 (上皮料是有多的, 餘下的唔要), 吊在當風處吹乾約3-4小時.
4.焗爐用200度預熱15分鐘, 焗盆包上錫紙, 然後將鴨放在焗盆上,
  焗約40-50分鐘至熟透 (要看鴨大細), 中途如發覺表面容易濃, 可以蓋上錫紙. 焗好的鴨, 先將鴨窿內的汁液放出, 鴨身放涼一會後出爐斬件上碟.

注 : 一般酒樓的做法是食時再用滾油淋在鴨上使表皮更脆. (此動作好危險, 因為要有兩個人合力才可以容易完成, 所以可以唔做)