玫瑰油雞

今天終於買齊野去整油雞, 用慢火去浸的油雞, 浸出來的效果非常之滑滑及好味 !

我仔仔一向都唔食冰鮮雞, 但今次, 我特地去買冰鮮雞去試下佢,仔仔一路食, 一路話好滑 好味 ....

                                                       加左食譜啦 !

 

油雞水 浸一隻雞份量                        生抽   1250 g   +  水 500 g 老抽   250 g 冰糖   450 g 鹽       10 g 玫瑰露酒   * 每次浸雞時才加入 2 湯匙 去浸. * 藥材料 : 八角　２錢半　　紅谷米　２錢      草果  1 個 甘草    1錢半      小茴     1 錢       沙薑  5 錢 桂皮    1 錢        香葉    1錢半　　 * 如果是新做的油雞水, 最好再加入以下適量的 材料去一齊浸, 在放入雞前將它拿走 *  材料有 : 莞茜頭或莖 西芹 薑片. 藥材料最好預早一晚去浸, 等藥材出味後才去浸雞先至入味. 如不能提早一晚去浸藥材料, 只要將藥材料預先 煲滾 30 分鐘後,才將爐火改細及將雞放入. 加油雞水時要計算及要注意事項  : 假設油雞水巳浸了3隻雞, 油雞水應加回調味的計算 加入 : 2 兩鹽 2 兩糖 及 1 兩 味粉 (即味精) 或 平均每隻雞將加入 : 1兩鹽 1兩糖及半兩味粉 * 油雞水只要每天翻煲滾起, 就不用放入雪櫃, 如有渣滓, 就用白布去隔渣即可. * **********************************************************************                              油 雞 材料  : 光雞一隻 (約 1-2 斤)               油雞水 (1份) 做 法 : 1.將雞挖去內臟及肥油, 洗淨後瀝乾水份備用. 2.將油雞水煲滾後, 立即將爐火改為一點火去保持熱力, 但不要滾起.然後將雞放入先浸15分鐘, 15分鐘後將雞取出, 將雞腔內的油雞水倒出來,然後再重新將熱的油雞水沖入 雞腔內, 這樣做法確保雞會全熟而不是焗部. 3. 一般新鮮雞約1-2斤重的約浸30分鐘便可, 如果使用冰鮮雞則要浸多5-8分鐘. 注 : 油雞水是用慢火去煲, 保持熱力即可, 如滾起去浸雞, 雞是烚熟而不是浸熟, 做出來的雞會鞋口的, 因為雞身過份受熱力而收縮.