蜜汁雞肉乾

近日見好友整左豬肉乾, 攪到我都想即時去整一份.
但其實數月前都想試整雞肉乾自己都忙到唔得, 所以昨天叫定工人幫我買左材料, 今早出街前就預先醃好, 下午回來即開爐就去"碌"成一塊就焗得, Very Easy !
我仔仔話食雞肉乾好味過食豬肉乾 wor ! 一出爐熱辣辣一陣就食晒, 好彩我及時拿去影左張相先準食 ! 



蜜汁雞肉乾

材料 :  雞肉 (攪碎)  200 g

調 味 :
A) 生抽  1湯匙    +  老抽  1 茶匙
B) 魚露  2 茶匙   +  紹興酒  2 茶匙
C) 砂糖  60 g     
D) 鹽   1/8 茶匙 +  黑椒碎  1/2 茶匙  (可以唔用)
E) 蜜糖  2 湯匙 (用來搽面)
做 法 :
1.將買回來的雞肉用攪拌機攪爛及攪至起膠, 然後將所有的調味加入, 並用筷子將材料順一方向攪勻至起膠及黏成一糰.
2.將雞肉放在牛油紙上, 面上再鋪上一層保鮮紙, 用木棍在保鮮紙上來回將雞肉壓勻,
 大約壓成一底約 2分厚的肉餅. (這份量剛好做到一塊一個焗盤闊度的雞肉乾)
3.焗爐預先用180度預熱15分鐘, 將雞肉餅放入焗爐焗15分鐘後, 將雞肉乾取出並且在面搽上蜜糖後, 放回入焗爐焗約10分鐘, 然後再取出並且將它反轉再焗15分鐘後再取出搽一次蜜糖後再焗5-10分鐘即成. 待涼後將雞肉乾剪成一片片享用.