因為佢星期一晚要學電子結他，星期二、四、六黃昏又要去操游泳..而家又話連一、三、五都要去埋練柔道 ..
(之前只係星期六返一堂)
你話佢係咪仲忙過韋太 !!!
韋太見今天係假期，就趁這段時間預早買好要煮的材料，下午教他切肉、洗及切菜要注意安全的問題，然後一路做示範大少要跟住學，要即時矯正他的處理手法，以免受傷等...
因為今次他還要學斬雞... 真係要好少心架....
還有，用完的用具要即時處理及如何去洗刀都要注意安全... 大家唔好以為講就明，真係要看住佢做一次及要講解為何要這樣做或處理，否則，日後要他自己面對時好容易忘記的。
所以，工人見到韋太教他煮一餐飯要成個鐘 ???
佢話比佢半小時巳經可以開飯 !!
當然啦 ! 一路煮時都要注意爐火的控制，煮餸上次時間邊樣先邊樣後都要講埋 ...
連洗鑊及洗碗都要即時學埋架 !!! 你話使唔使一個鐘呢 ?
今晚三餸一湯，個湯由於時間關係，提早左用真空煲去煲，2小時後瓜都變黃晒 ..不過無問題啦，因為又要解釋一般 "滾湯"要煮的時間巳教。
是日晚餐菜單 :
醬爆豆鼓雞
魚餅炒四季豆
瑤柱蒸水蛋
絲瓜肉片湯 (忘記加入咸蛋 ??)
煲飯使唔使教 ? 之前教過啦...
但今次煲飯的係由細佬去付責。(以往工人放假，細佬係付責洗衫、拖地及吸塵的工作)
韋太試食後評語 :
醬爆豆鼓雞味道都 ok，唔會太咸，但大少自己話淡左啲。
魚餅都煎到金黃，但係韋大少都知道魚餅薄身左少少，下次要厚身啲。四季豆好夠霖，因為一路煮時大少知道唔夠水要求加水，但記得加水時忘記加回少少味，所以味道淡左少少，但係都好味。
瑤柱蒸水蛋主要係教佢蛋 +水的份量控制，及如何蒸出表面滑滑的水蛋爐火的控制。韋太見蛋蒸出來好彈及滑，但係就好似稀左少少，下次可以減少啲水份。
滾湯主要係教佢要加薑及拍薑點拍，切瓜及醃肉點醃等等...
大至上要佢煮一餐飯餸都無問題，但最重要係學切或斬雞時要小心繼續要慢慢學 ...
各位家長，若果想囝囡日後要識得照顧自己或幫下手處理家庭事務，有時間就要親自去教下佢地啦 !
無付出 ?
又何來日後會有收穫呢 ?
有無食譜 ?
用口講大約份量 ...
(好似亞蘇一樣，大約得架啦 !)
因為要看當時材料份量的多少要自行加減嗎 !
沒有留言:
張貼留言