2015年5月11日 星期一

芒果芝士凍餅-07

今年第一次整芒果芝士餅, 而家d芒果好平,

買十蚊都有5個(細細個),

都可以整了一個6吋餅及一份芒果糯米滋.

不過今次係用餅底,唔係用海綿蛋糕底,

所以覺得個餅底好濕.

                                                                *巳加入食譜 *

芒果芝士凍餅

餅底材料:  (6" 模)
消化餅  60g          牛油溶液  26 g

芒果芝士餡材料:
淡忌廉      125 g
魚膠粉      8 g + 水 40 g
忌廉芝士    125 g   +  砂糖   30g
芒果 (細個)  約3 個 

(芒果茸 150 g ,另留起 150g 做餅面+芒果粒 60 g)

芒果芝士餡做法:
1. 將淡忌廉打起至 6成備用
2. 魚膠粉加水拌勻, 用熱水座溶備用.
3. 忌廉芝士加糖打至滑身. 然後先加入芒果茸與芝士拌勻.
  (可以用打蛋器低速拌勻),
  然後才加入魚膠水及芒果粒快速拌勻. 最後加入巳打發的忌廉拌勻.
4. 將巳打好的慕士糊倒在餅底上, 放入雪櫃冷藏至表面凝固,
   然後將餅面材料倒上.放回入雪櫃3-4小時即成.

芒果鏡面材料及做法 :
芒果茸  150g + 魚膠水 (魚膠粉 4g + 水 20g) - 拌勻倒在餅面上.
注: 如果想表面光亮, 可以在餅冷凍至凝固後, 用掃上少量果面光亮劑.

注: 由於此食譜是用餅底做底, 本人覺得口感麻麻地,但勝在不用

焗海綿蛋糕底.但個底食落都好"濕".所以,如果有焗爐,可以改用

一片海綿蛋糕做底,或在百佳超市買一個6吋海綿蛋糕方便d.

沒有留言:

張貼留言