蝴蝶酥

今天的天氣開始轉涼, 所以一早起床就去搓酥皮 (其實起身時巳11點幾 ! 哈 ! 哈 !)

因為昨晚除左要整個 Pizza 晚餐之外, 另外都整左成兩個半蛋糕, 點解兩個半 ?因為真係好疲倦．．企都企左成幾個鐘, 而且最後一個蛋糕係整士多啤梨配紅桑子,整完一層都要時間冷凍一層, 所以餘下的一層就留在今早起床去整 !

今晚天氣更加涼, 一早安排好"打邊爐 " 可以煮少一餐 !

下午去完街街回來就即刻去開皮整蝴蝶酥, 第一次整的, 個樣都係麻麻地, 留定另一塊皮下星期整 " 葡撻 ", 而明天起一連3-4日都係食蛋糕做早餐 !（乜野蛋糕 ? 整左一個熱情果白朱古力蛋糕, 一個紅桑子士多啤梨蛋糕, 另一個失敗左少少的焦糖紅桑子蛋糕, 因為自己煮焦糖醬真係好難的...又要去請教下d師姐先 !）