網上流行用燜燒杯巳有一段時間，但基於我家巳有高速煲，
燜燒鍋，所以燜熱杯對我來講好似無乜用途。因為我又唔使
返工，家中又有工人姐姐為我煮早餐及煮飯，要煮乜或煲乜
叫她去做便可以。
但試從另一角度去諗，平日我都好少煲女士補身湯水或女士
養生茶，原因係家中三位都係男士們，煲補品大家都 Say No
話唔飲，攪到我買到啲藥材放晒入雪櫃真係打入冷宮，
放到過期我都無看佢一眼，真係浪費。所以，決定買一個燜
燒杯來方便自己得閒煲些補品，焗下紅棗當歸茶或間中自己
晚上煲碗粥，早上有得食，唔使叫工人煲一大煲，又食唔
晒。
上星期千色店大減價，一向喜歡趁百貨公司大減價去掃平
貨，今次一於去象象 Counter 看看有咩特別，點知望了一眼
都好似無乜貨，問店員她就話賣淨兩個，唔買就無，於是立
即買下來，回家便日夜不停的去試。
之前見網上群組話開杯好重要，要測試個杯夠唔夠煲溫，
要用白米去試煲粥，我先將燜燒杯沖洗乾淨，就立即用以下
的方法去試，試完無做 「大嘥鬼」，加些巳炒好的菜甫食
埋佢。
每次試食譜，開杯第一時間測下水溫，看看煲溫功能，
習慣了這動作只是想知道不同食材加入的煲溫功能有無受影
響，才容知道水溫暖杯的重要性。(因為有時我用熱水壺85
度水去做)
其實2湯匙米都有一大碗稀白粥 (潮州粥)
開杯 - 白粥
功效: 白粥有調理腸胃的功效
燜燒時間: 3-4小時
份量 : 1碗份量
750 毫升 燜燒杯
材料:
白米 2湯匙
滾水 400 毫升
做法:
1. 新杯用清水沖洗乾淨，然後再用熱水再沖洗。
2. 白米沖洗乾淨，瀝乾。
3. 將白米及100度滾水注入燜燒杯內，上好杯蓋焗10分鐘。
4. 10分鐘後將水倒出，再重新注入滾水，上好杯蓋燜煮 3-4 小時。
5. 打開杯蓋，若白米巳焗至開花成白粥，即代表開杯成功。
小貼士:
若果開杯不成功或沒有變化，可能係方法有問題，請再試多一次才決定杯的保溫是否有問題，才作出更換與否。
[韋太烹飪教室] Facebook 粉絲專頁
請大家入去按 [Like]
沒有留言:
張貼留言