原本今日韋太要教授賀年食品製作，但因為早前被蘋果日報記者的邀請，今天一早韋太專程由元朗趕去將軍奧廠房去拍攝賀年食譜製作。
今天一早就要準備布帶齊所有材料，9點幾就要出發前往 [私家廚房]。去到廠房都成11點，打點一齊後，等到 12:00就開始拍攝。
順利地拍到 3點幾就算拍完食譜製作，最後最難的一關就係要韋太出鏡 面向鏡頭去
[背對白]。雖然只係短短的幾句說話，韋太都要 NG [N] 次才順利完成。成日食螺絲及太緊張.... 真係唔好意思啦 !
好采拍幾次後都能順利完成，如果唔係大家都無得收工啦 !
拍完都成 4點半，又要趕回返入元朗去同韋大少慶祝生日出去食晚飯。
食完返到屋企成個人都 [散晒] !
另外，上星期日，韋太都為蘋果日報副刊拍攝左四個食譜製作。不過食譜都會分幾次印出，到時有時間韋太再通知大家。
韋太的 [私家廚房] - Video 巳定在 1月30日 (星期一) 年初八播出，屆時就請各位入去看看韋太的健康菜色製作啦 !
[私家廚房]網站 --> 按此請入去看看先啦
沒有留言:
張貼留言