Cuisinart 每週食譜推介 (5)
南瓜忌廉湯
南瓜的營養價值便十分豐富，當中含有膳食纖維，具有潤腸通便之效，可以減少毒素對人體的危害。
它還含有豐富的維生素 A，有助視力保健，對成長中的青少年是不可或缺的維生素。
韋太以前唔鐘意用南瓜入饌，因為唔係太好食 ? 後來，看參考書時，發現原來南瓜的營養價值都好高，而且又可以幫助潤腸通便減少身體毒素，點解唔食呀 ?
韋太好喜歡一味菜係用南瓜加入肉碎、乾蔥、蒜茸、薑茸及磨鼓醬去炆煮一會，非常甜美，每次韋太都要食多兩碗飯。不過，韋大少及二少就不太喜歡 ? 點解 ? 可能係有太多蒜茸 …
唔喜歡點算好 ? 又想將有營養的食物帶給他們，唯有用另類方法啦 …
(想知或有興趣就入去看看啦 ! )
南瓜忌廉湯
去年韋太出去學煮西餐，都學過煮南瓜湯，所以，今次就學以至用，韋太係用簡單的方法去煮，煮完啲湯完全無渣滓，兩位少爺就無投訴啦 ! (都係工人姐姐唔好，成日將湯水隔晒渣給他們飲，當韋太入廚煮餸煲湯時，當然唔會隔渣啦…)
今次做法比以往快捷好多，因為再唔需要好似以前那樣麻煩，煲完湯後及要將湯放入攪拌機內慢慢攪，攪完又要洗多一大堆架餐.. 有左呢部手提式攪拌器，隨機附上的攪磨捧，唔單止方便，還可以攪果汁都無問題 !
唔信 ? 自己去試下咪知囉 !
材料: (4位用)
A)牛油 1湯匙 / 洋蔥 1個 (切件)
B) 蒜頭 3粒 / 香葉 1片
C)南瓜 1磅 / 甘荀 半條 (約120克) /
薯仔 1個 (約120克) (全部材料去皮切薄片)
D) 雞湯 1200 毫升 (可以用2粒濃湯寶雞湯粒加入1200 毫升清水去代替雞湯)
E) 牛奶 250 毫升
F) 鮮忌廉 4湯匙
調味料:
雞粉 1/2 茶匙 、 鹽 1/2 茶匙 、胡椒粉 適量
做法 :
1) 預先將所以材料切好及沖洗乾淨，瀝乾水備用。
2) 燒熱鑊加入牛油將洋蔥炒香，然後加入蒜頭、南瓜及薯仔、香葉炒勻。
然後加入雞湯及牛奶煲約30分鐘，最後加入調味料。
3) 湯煲好後，放涼一會，手提式攪拌器換上攪磨捧放入湯內將材料高速攪爛，攪完後用篩將湯渣隔出清湯。
4) 將隔好的湯放回入鍋內，待滾起後加入鮮忌廉，試味即成。
韋太生活小貼士 : 
用 Cuisinart 手提式攪拌器，真係方便。除左機身附有磨刀，方便日常家庭使用來磨肉，乾磨乾果做甜品之外，攪打果汁及攪打其他蔬菜汁液都十分方便快捷。
另外，附有前置式可拆除的手提攪拌器，日常用來製作蛋糕甜品，簡直係一流 !
另附加的手提攪磨捧，用佢來協助製作西式餐湯非常之簡單，只要將手提攪磨捧直接插入湯內攪打便可，免除一般用傳統攪拌器的麻煩及清洗。機身清洗容易，又方便操作。
大家如對此產品 Cuisinart [手提式攪拌器] 有興趣就 按此查詢 啦 !
想知道如何製作班蘭蛋糕就按此 !
或如何簡易製作 梅菜蒸肉餅就按此 !
沒有留言:
張貼留言