廚師班考試 - 終於完成 .. Pass 左啦 !

2013年9月開始修讀廚師班，長達4個月的課程，學了105 個酒樓菜色。

最終都要來一個終極測試 ...就係考試啦 !

1個月前出左3個考試題目，當中最難的考試菜色就係 [乾炒牛河]。

點解，因為女仕們無乜手力去拋鑊，回家實習，家中的爐火又唔夠猛火，

好容易炒兩下就黐鑊。黐鑊都算閒事，最慘係炒到啲河粉一Pat Pat及碎濕

濕，太多油又食到成口油.... 你話點練習呀 ! 

好彩，考試前都算練左炒兩次，之前買左隻鐵鑊回家做練習，算ok 啦。

今日唔知好彩定唔好彩，抽中最難的菜色去炒，巳驚到手到震晒，

考完試要等十幾分鐘對手先唔震，你咪話無壓力呀 ! 今日18個同學一齊

考，第一Round 三個同學去炒，一個即肥，佢就即刻比錢可以補考，

但係壓力巳好大，真係好驚。第2 Round 一個師姐炒牛河，炒唔勻，

師父都諗左好耐，最後試食埋才比她合格，你話未到我煮都巳嚇死囉。

二個小時考試，最後大家考完齊齊影相試食，全部最後都 Pass 晒 ! 

韋太將會在日後將這些酒樓美味的小炒，慢慢將它變回住家式做法去教授

大家，到時請大家多多支持啦 !