所以，連用具都要配合快速製作，慳時間及慳水又慳力至配合到韋太。
唔係每個廚具都咁容易被韋太選中架 ... 因為韋太除左要佢煮得快之外，在烹煮過程中都能夠保存食物的營養才可以被韋太選中的 !
以往曾經發生高速煲爆炸，嚇到啲人唔敢用高速鍋。但係韋太就認為只要大家對該品牌的信任及它的用料係乜，安全操控等等有認識，邊到會咁容易爆炸 ??
其實韋太巳在早3-4年前巳開始用高速鍋，而且還每天用佢來 [蒸飯]，係大家無睇錯，係 [蒸飯] 唔係煲飯，因為韋太家中係無 "電飯煲"的。其他品牌的煲由小至大都有好多個...
韋太上星期講開買左個新款高速鍋，呢個係 Fissler 新出系列。韋太一向都係用緊 Fissler 高速鍋 (藍點)，但係而家呢款新系列高速鍋唔單止在外形比藍點更優雅之外，烹調時間又快左，而且還加多左幾個安全指示，而且蒸煮都可以及煲蓋加有蒸氣孔，唔會鎖住個煲，平日用來番蒸餸菜都可以。
韋太唔想寫太多，因為每日都不停打中文，時間又長，真係打完又幾粒鐘。所以，今次韋太又玩拍 Video，等大家有機會見到韋太個 Cat 樣 !
韋太介紹高速鍋的用法及操作 --> 請按此看 VIDEO 教學
今期第一個食譜，韋太一次過用高速鍋做左一湯 三餸，大家有時間入去看看或者跟住食譜試做啦 !
(由於段片係一 Take 過，韋太都有講錯野，等大家估下講錯乜，遲些再開估啦 !)
材料: (四人份量)
豬肚 １個
西施骨 1斤 (600 克)
鹹酸菜 150 克
白胡椒粒 1湯匙
清水 2公升
開始烹調前，請將高速鍋閥門調較度數為 : 3
綠色氣閥升起後，改用慢火繼續烹調時間 : 30分鐘 (火力要保持氣閥在綠色圈)
做法:
1.新鮮豬肚用生粉及鹽擦洗乾淨內部澀，然後沖洗乾淨瀝乾水。燒熱鑊不用落油 (叫白鑊)， 將豬肚兩面烘乾，待用。
2.西施湯骨先用滾水汆水後瀝乾。
3.鹹菜用清水浸15-20分鐘，切角狀備用。
4.白胡椒粒可以用茶包紙袋盛著，方便煲完湯後不用隔渣。
5.將清水注入高速鍋內煲滾，然後將所有材料加入，鎖好煲蓋及調較氣閥度數去 3，用中高火力煲至綠色氣閥升起後改細火烹調30分鐘即成。
class="
小貼士:
如要加入瑤柱一起蒸，在鍋內加上一個升架，架上放小碟及瑤柱及適量熱水便可以一起烹調。
韋太用蒸好左的瑤柱炒蒜茸菠菜。一般人好怕食菠菜，韋太都係，但用瑤柱去炒，記得炒時加入少許糖及紹興酒及鹽去調味，非常好味 !
另外，韋太用左部份的瑤柱去蒸蛋，唔使幾分鐘又多一味滑過豆腐花的蒸水蛋啦 !完全無難度 !
煲完湯的豬肚，再用少許鼓椒及鹹菜炒幾炒，又多一味餸，大家話係咪好簡單呢 ?
瑤柱蒸水蛋
材料：
雞蛋 2隻 (約100毫升)
瑤柱 2至 3粒 (巳蒸至軟身及拆絲)
浸瑤柱水及暖水 合共 300毫升
調味料:
雞粉 1/4 茶匙
菜油 1/2 茶匙
做法：
1.將巳蒸好的瑤柱撕成幼絲。瑤柱水留用。
2.蒸碟掃上少許油，將瑤柱加入。
3.將留起的瑤柱水及暖水加入巳拂勻的雞蛋漿內拂勻，然後加入調味料。
4.將蛋面的泡泡抹走，放入巳注入水的高速鍋內。
待綠色氣閥升起後計時1分鐘後關火，待氣壓自然降溫後才可以開蓋。 (如果之前係煲開湯，就加入蒸架後放上蛋去蒸)
韋太煮餸小貼士 :蒸水蛋看似簡單，但一般人都認為要控制火力係最大的考驗，蒸得唔好表面又容易蒸到皺皮，又話要加錫紙等等…
韋太認為，只要大家明白蒸蛋的原理及份量的調較，
要蒸一碟食落似豆腐花的水蛋真係話都無咁易啦。韋太生活小貼士 :
Fissler Vitavit®高速鍋
使用高速鍋可以快速烹煮各式美食，讓您瞬間就能享受美味菜餚。
Fissler Vitavit®系列高速鍋的多功能特性及多重安全保護裝置，獨特的主閥門設計優點，可讓您於同一時間及同一鍋中烹調兩至三款不同的菜式，既令菜式之間不會互相串味，又能保存食物中的營養素與味道。在設計上更花盡心思，在烹調功能、飲食潮流趨勢至生活文化，都能一一兼顧，務求達到真正的完美煮意！
健康飲食已成為一種時尚潮流，少油及保留最多養份的烹調法更是健康食物的指標。
所以，Fissler Vitavit®系列兩款高速鍋底部都設有方格凹凸面鍋底，使食物不容易粘底或燒焦，更可減少食物接觸過多油份，食得更健康。此外，為配合亞洲人經常烹調蒸煮菜式的飲食文化，所以特設兩個蒸氣排出口，使一個鍋具同時具備多種功能。
全新的安全設計
全新閥門系統： 創新的顯示系統令您在烹調過程中更容易控制火力及溫度。
黃色環 – 準備將火力調低
綠色環 – 烹調時間開始
紅色環 – 顯示溫度過高，需要將溫度調低
創新鎖定裝置：全新鎖定裝置及鍋蓋定位標示令鎖緊鍋蓋更容易、更安全。
鍋蓋上的
安全鎖定顯示器 – 嘀嗒一聲就可以扣上鍋蓋。手柄可以顯示出鍋蓋是否正確地扣上，然後才進行加壓。
多謝收看 !
沒有留言:
張貼留言