韋太又有好野介紹啦 !
由 5月1日 起，韋太會隔 1-2個星期，不定時推出用Fissler 廚具製作出不同美味又方便的菜色。請大家唔好錯過啦 !
其實韋太好鐘意用 Fissler 高速煲，但係每餐又鐘意炒大鑊菜，成日覺得家中的鑊唔夠大又唔夠平，煮野好唔方便。而且韋太係一個慳家的家庭主婦，喜愛用電磁爐去煮食。
所以，以下呢款不鏽綱鑊就最合我心意 !
大家唔好睇少呢隻鑊呀 ! 佢除左可以保留食物的水份，還可以用佢來焗雞都得。
今次開鑊第一次下海，就用佢來焗雞啦 !
我係用冰鮮雞去焗，焗出的來味道及質感都好嫩滑，加上用玫瑰露酒去醃，非常之香。
玫瑰焗雞
鮮雞 1隻 (約 600克)
乾蔥頭 4 粒
蜜芽糖 適量
搽雞身調味:
幼鹽 1-2茶匙
玫瑰露酒 1-2 湯匙
老抽 半湯匙
做法:
1.將雞清洗乾淨，瀝乾水份。
2.乾蔥頭去衣，切片。
3.將玫瑰露酒平均搽在雞內外，然後在雞內及外抹上適量的幼鹽。
4.在雞皮表面平均搽上老抽上色。
5.將乾蔥片放入雞腔內，放入雪櫃醃 4-5小時或一晚。
6.用錫紙摺出一個圓碟形狀，將雞放入及放在網架上。
7.Fissler 鑊加蓋，開大火預熱 5分鐘，將雞連網架放入鑊內，加入半杯熱水及蓋上鑊蓋，焗 15分鐘，然後改中火焗 15分鐘。
8. 30分鐘後，打開鑊蓋，如顏色唔夠上色，可以快手掃上少許老抽，然後再掃上蜜芽糖或蜜糖，再焗 5-10分鐘至熟。
若果無呢隻鑊點算好 ?
大家都可以照用這食譜，自行改用焗爐及調控溫度及時間便可以一樣做到美味的玫瑰焗雞。
沒有留言:
張貼留言