在韋太的學習字典裡，當每一個人覺得容易做的菜色或蛋糕，韋太都會覺得越難。
即係話在大家的眼中好容易做到的，韋太就會失敗。
好似呢味菜色，相信每個家庭主婦都會間中煮1-2次，但係做法就各色其式 ...
有些人又話蒸蒸下又要打開鑊蓋 ?又些又話要在蛋上加 "錫紙"防止倒汗水令到蛋面唔靚仔 !!
其實，韋太都只係按 [理論] 去做，明白左就自自然知道要用乜野火力去蒸。
要食水蛋似食豆腐花那麼 [滑]，一定要比例或按照個人的口味去調較硬度。
蒸水蛋要蒸到表面滑滑，蒸的火力一定唔可以大火去蒸，一定要用慢火蒸。(若每次用的器皿不同，蒸的時間都會有出入。請自行去控制。)
這樣鑊內的水蒸氣流動慢，蛋表就唔會有太多蒸氣，又唔使中途打開鑊蓋散熱。
只要蒸完蛋，蛋熟後先將蛋面的水倒走，再加上淋面汁鼓油，便可。
瑤柱蒸水蛋
材料:
乾瑤柱 2-3粒
雞蛋 2個
飲用水 100 毫升
浸瑤柱水 150 毫升
調味料 : 雞粉 1/2 茶匙 麻油 少許
做法 :
1.乾瑤柱預先用150毫升清水浸4小時，放入鍋內蒸20分鐘至軟身，拆絲，蒸瑤柱水放涼留用。
2.雞蛋加入飲用水及瑤柱水拂勻，加入調味料拌勻。
3.蒸碟預先抹上少許油，將瑤柱加入，倒入蛋漿，輕輕將蛋漿面泡沫抹走。
4.蒸鍋燒熱一鍋水，將蛋加入大火蒸2分鐘，然後改用慢火蒸約6-8分鐘至表面凝固。
韋太小貼士:
蒸水蛋的竅門在於用慢火去蒸，大水只會令蛋表面蒸到起泡，影響賣相。
可以不用雞粉，改用100毫升清雞湯去代替，是乎個人喜好。
蒸蛋的時間會按照用的蒸碟厚度或傳熱功能會有加減。
蛋與水的比例 1: 2.5 ，蛋滑滑似豆腐花。若想蛋實一些，可以將比例自行修改。
[韋太烹飪教室] Facebook 粉絲專頁
http://www.facebook.com/irenechan512
請大家入去按 [Like]
沒有留言:
張貼留言