鳳梨酥 - 附食譜

韋大少及韋太喜愛別鳳梨酥，尤其是最好搭飛機從台灣買回來的仲好吃 !

不過，唔係下下都有人專誠搭飛機買回來才可以食到....

不如，自家製啦 !!!　

好多網友都會親自製作餡料，但係韋太怕麻煩，因為煮餡的時間太長，無乜心機去做 ..

所以，多數都會在烘焙店買餡料回來，分兩次去做，每次12個剛剛好。

我的工人姐姐話自己焗新鮮啲及靚啲 ?

唔知係唔係呢 ?

鳳梨酥

材料 : 約12個

1. 低筋粉  150 克  / 奶粉  25 克  /  吉士粉  10 克
2. 牛油   50 克  + 酥油 35 克  /  糖霜    30 克
3. 蛋液   50克 

預 備  : 焗爐用180度預熱 15分鐘

做 法  :
1.將低筋粉，奶粉及吉士粉過篩備用。
2.將糖霜加入牛油及酥油內用打蛋器打至軟滑，將雞蛋液分3-4次加入拌勻。
3.將巳篩的粉類加入牛油糊內，用橡皮膠刮把粉料拌勻成麵糰。
4.將粉糰平均分約 28 克 /個，手上沾上少許粉，並將粉糰搓圓及按扁，包入鳳梨酥錎，. 將巳包好的粉糰放入四方形的模中，壓模時四角要留有少許空位，因為麵糰巳加入泡打粉，所以在烤焗時會膨脹，應預留膨脹空間。
5.把模具並排放在巳墊牛油紙的焗盤上，放入焗爐中層用170度焗約10分鐘，將焗盤取出，將鳳梨酥反轉底面再焗10分鐘。
6.焗好後的鳳梨酥要放在網架上等待稍微放涼，即可脫模。否則酥餅會有黏濕感覺及較難脫模。