Cuisinart 每週食譜推介 (1)
蘿蔔牛筋腩 - 配
鮑魚菇響螺花膠煲珍珠鮑魚湯
***************************************
Hello ! 大家好 !
韋太好似好耐無教大家煮下餸 ?
係咪好期望韋太出手呢 ?
由於韋太日間要工作，煮餸呢家野，
韋太當然要交由工人姐姐去負責啦 !
韋太喜歡怎麼新菜色，口講幾句或買本有印尼翻譯的書給她自己看看就會明白。
唔明點算 ?
(好攪笑，佢唔明係書內印尼文的翻譯唔知寫乜)
到左呢個時候，當然要等韋太的助手
(韋二少爺 (細仔) 就會乖乖坐在廚房一旁一邊讀給她聽，佢一邊煮囉 !
到最後真係講都唔明，唯有韋太出手煮一次就要佢記得，唔記得又點 ?
咪用將紙寫底佢自己看得明的字句。
大家話，韋太這種教學方法得唔得 ?
哈 ! 哈 !
其實經常都有網友來電郵 
所以，韋太都唔會刻意會去準備食譜的。
但大家又希望韋太出食譜 ?
點解呢 ?
哦 ! 一問之下，又係一個好重要的原因…
就係韋太的食譜準確性及詳細很多，
對於好多初學煮餸的朋友來講容易明白。
有見及此，韋太當然會在適當的時候交下功課啦 !(即係有好野介紹)。
韋太一講開野又好似講左好耐都未入正題，今期出的食譜精選，當然係方便上班一族忙碌的朋友(媽媽一族)而用心設計的菜色。
韋太認識的上班一族朋友當中，十個有九個都係平時唔多會煲湯及煮一些要炆煮時間長的菜色的。
有朋友還常罵韋太成日煲老火湯有乜用 ?
韋太聽到當然要強烈回應啦 … 點解 ?
以前韋太媽媽都成日對韋太講，如果唔係我成日煲湯水給你地飲，你地抵抗力弱，人又容易殘，皮膚又乾，食多多補品及買貴一貴的護膚品都補唔番 !
所以，韋太深明此道理，平日的保健方法係注重湯水，每晚的晚飯一定會煲老火湯，當然，有時都會煲一些時令簡單的湯水。
而餸菜方面偶然都會加一些有膠質的食品去增加骨膠原嗎 !
今期的菜色非常簡單，適合上班一族 (或媽媽一族)，只要在晚上炆煮好餸菜，第二天早上盛起，(洗淨湯鍋)，再即時將要煲的老火湯材料放入煲內，按一個時間制，晚上放工回家再加多一兩碟簡單小菜。
(三餸一湯)快捷簡單又方便。怕麻煩每日煲湯，又可以隔 2-3天才煲一次滋補湯水，
又或者早上炆好餸菜，放工即時有得食。
女人唔補就好容易老架…
(所以，我工人姐姐成日話韋太唔係好老 Jet !)
蘿蔔牛筋腩
材料：
牛腩 / 牛肋骨 2 磅
牛筋 2 磅
白蘿蔔 1 斤
薑 5 片
蔥 2條 (切段)
牛腩飛水材料:
紹興酒 1 湯匙
薑 2 片
調味料：
柱侯醬 2湯匙
生抽 1湯匙
老抽 1 湯匙
冰糖 30 克
鹽 1/4茶匙
八角 2 粒
熱水 1+1/2 杯
做法 :
1. 牛腩、牛筋清洗乾淨後，瀝乾水備用。燒熱一鍋熱水，放入2片薑片及紹興酒，將牛腩及牛筋加入煮約5分鐘，然後沖水過冷河，全部切件瀝乾水份。
2. 蘿蔔去皮，切角。
3. 燒熱鑊落1湯匙油，加入餘下的薑片及蔥段爆香，將牛腩牛筋及調味料加入炒勻。
4. 然後將蘿蔔加入及將炒勻的材料移置鍋內，蓋上鍋蓋。按低溫烹調制，調較時間
4小時。(炆完啲牛腩及牛筋非常之霖呀! )
*************************
鮑魚菇響螺花膠煲珍珠鮑魚湯
<此湯水滋補有益，常飲增強人體免疫力及加強皮膚彈性>
材料: (4人份量)
方便湯包 1 包 (大型超級廣場有售或自行選購)
(內有: 鮑魚菇、響螺、海底椰、珍珠鮑魚及南北杏蜜棗)
另加 :
花膠 2 隻 (巳發)
甘筍 1個 (去皮切粒)
瘦肉 半斤
薑片 3片
清水 5 量杯 (2500 毫升)
花膠出水料:
薑片 2片
蔥段 1條 (切段)
紹興酒 半湯匙
花膠出水方法:
預早一晚將花膠放入無油的鍋內，用清水浸一晚 (8-12小時)，第二天將清水更換1-2次及浸2-3小時，待花膠軟身後，燒熱一鍋清水，加入出水料，用中慢火煲約10-20分鐘，關火焗至水和暖，取出再沖水後便可。
大家睇下 ! 煲完四小時後，湯水都無乜蒸發左，水位依然好高。
做法:
將所有材料放入鍋內，按低溫烹調制，調較時間 4小時。當湯煲好後，慢煮鍋的智能功能便會自動轉為保溫功能，8小時候便會自動關機。
韋太生活小貼士 :
用 Cuisinart 的 [智能陶瓷慢煮鍋] 炆煮出來的肉類，除左較市面一般快速鍋煮出來的肉汁更原味之外，肉質霖得來又保留原有肉味，從營養價值來看，大家唔好以為慢火炆煮時間看似長就失去左營養價值，但大家唔好忘記，呢部係新一代的 [智能陶瓷慢煮鍋]，稱得上智能的，當然係有佢的辨法啦 ! 因為煲身設計有 [液晶顯示時間] 及 [高溫，低溫，保暖，燉四個設定]，要快又得，
要慢又得，燉補品都得呀 !
另外，煲燉老火湯，除左將材料內的營養慢慢煲晒出來，湯水美味又滋補，隨時喜歡飲靚湯都可以。如果大家中還有十幾廿年前的電子瓦煲，千祈唔好與此相比呀…
因為時代已唔同。
還有呀 ! 這部慢煮鍋除左在預定的時間內煮好後，會自動保溫 8小時，放工回家就即有
熱辣辣的湯水或餸菜，真係正呀 !
大家如對此產品 Cuisinart
沒有留言:
張貼留言