Cuisinart 每週食譜推介 - 2010 (2)

Cuisinart 每週食譜推介 (2)

南乳炆豬手

配 真姬菇海雀螺片湯

< 想皮膚靚啲有彈性，經常多吃含骨膠源或蛋白質含量高的食物，保證有理想效果 !>

上星期製作完美味的炆煮菜色，成煲牛筋腩唔使一餐都食晒，真犀利 !
而家啲天氣真係好反常，一時熱到死，一時又凍到死。我家大少爺都要去睇醫生。
韋太原本都有啲唔妥，但係我唔可以病的…因為工作很忙，平時病都會返工，呢個時候病都係要返工及返學。病左無精神點頂呀 …
大家都知一日有 24小時，韋太都盡量利用18-19小時去工作 (早晚都要對住部電腦做…..)，如果唔係真係有好多野都做唔晒，所以，成日要在湯水到落藥 !!!

入去先繼續講 …  

 韋太講落藥當然係講落藥材海味去補下身那一種啦 …
大家係咪睇得電視多 … 諗多左呀 ! 哈 ! 哈 !

之前都講過，韋太係好著重日常湯水的，如果唔係點樣可以保持身心健康呀 ?
還有，一定要經常食多些含膠質的食物，皮膚都會靚好多架 !

今個星期韋太製作的湯水最適合呢個時期飲的，因為天氣時冷時熱，容易咳，飲多啲滋潤湯水，預防咳嗽及乾燥都好潤架。
此湯水滋陰補腎，止咳化痰，降膽固醇，對治哮喘氣管病有食療功效。

另外，餸菜加左一味非常之惹味的南乳花生炆豬手，為左增加骨膠源令皮膚光澤，

看上去人都精神啲啦 !

南乳炆豬手

材料：
豬手       2 斤  (如要多肉就買豬脚)
花生      150 克 (四兩)

豬手出水料:
薑      2片   
蔥 1 條 (切段)

調味料：
薑        2片
蔥       2 條  (切段)
南乳     3 磚  (壓爛）
紹興酒   半湯匙
磨鼓醬   2湯匙
冰糖    30克 (1小粒)
熱水     2 量杯 (500毫升)

做法 :
1.  豬手去毛洗淨及切件，燒熱一鍋熱水，放入豬手及葱段煮約 5-10分鐘，然後將豬手用冷水沖洗(過冷河)表面污垢。

2. 花生洗淨，瀝乾水份備用。
3. 南乳壓爛後，將酒加入拌勻，然後加入一量杯熱水拌勻。
4. 燒熱鑊下油少許，加入薑蔥爆香後，將豬手及花生加入炒勻，然後加入調味料、南乳汁及餘下一量杯的熱水炒勻。

5. 將所有材料放入 [智能陶瓷慢煮鍋] 內，

按低溫烹調制，調較時間 5小時。

煲完 5小時之後，大家看看加入去的水位仍然很高。

而且豬手炆到好霖及原汁原味呀 !

 真姬菇海雀螺片湯

 材料 :

方便湯包    1 包  

(大型超級廣場有售或自行選購)
(內有: ) 海雀、真姬菇、海底椰、響螺、杞子、

蜜棗、淮山。
另加 : 
新鮮海底椰   1包 (加多啲會更甜更滋潤)
超甜粟米     1條
瘦肉         半斤
薑片         2片
清水         5 量杯 (2500 毫升)

做法:
將所有材料放入 [智能陶瓷慢煮鍋] 鍋內，按低溫烹調制，時間 4小時。

當湯煲好後，慢煮鍋的智能功能便會自動轉為保溫功能，8小時候便會自動關機。

注 : 一般方便湯包材料份量有限，但都建議加入15碗水清水去煲 (3750毫升)，煲至餘下6碗水。乜野營養都蒸發晒啦，但用 [智能陶瓷慢煮鍋] 去煲，煲完四小時後，
湯水都無乜蒸發，水位依然好高。電費都平過煤氣好多，而且用電量又低。

韋太生活小貼士 :
用 Cuisinart 的 [智能陶瓷慢煮鍋] 炆煮出來的肉類，除左較市面一般快速鍋煮出來的肉汁更原味之外，肉質霖得來又保留原有肉味，而且加入水的份量與其他炆煮鍋相比少用 2-3倍，都能將肉類完全炆霖之外，還保留肉汁原汁原味。炆煮 4-6小時汁液都無乜蒸發到。從營養價值來看，當然值得建議使用啦。

呢部新一代的 [智能陶瓷慢煮鍋]，煲身設計有

[液晶顯示時間] 及 [高溫，低溫，保暖，燉四個設定]，

而且外型美觀、優雅及高貴，用來送禮最合心意 !

母親節就快到啦 ! 唔使左諗又諗啦…

快啲去選購一部啦送給媽媽 (奶奶或外母)啦 !
(包你以後有好多好野食及滋補湯水飲)

另外，煲燉滋補或老火湯水，除左將材料內的營養慢慢煲晒出來，湯水美味又滋補，隨時喜歡飲靚湯都可以。

還有呀 ! 這部慢煮鍋除左在預定的時間內煮好後，智能系統會自動保溫 8小時，放工回家就即有熱辣辣的湯水或餸菜，真係正呀 !

大家如對此產品 Cuisinart [智能陶瓷慢煮鍋]

有興趣就就 按此查詢 啦 !