點解話要約定 ? 因為夏天時叫佢地去，又話熱，唔會去。過左中秋節，秋高氣爽，當然係最好啦 ! 而家兩位少爺大個仔，每逢節日都有佢地的節目，唔一早約定，到時又有藉口臨時唔去就無引啦 !
明知 BBQ 會熱氣，火氣重的好容易即時熱氣發出來。適逢昨天中秋節，在家做節是晚靚湯就煲左 [粉葛鯪魚赤小豆] 祛濕湯。
此湯水有 [祛濕降火]功效，打定底當然最好啦 !
粉葛鯪魚赤小豆湯
材料:
粉葛 600克
鯪魚 1條
赤小豆 80克
扁豆 60克
瘦肉 200克
果皮 1/2 角
清水 8量杯
用具 : 煲湯袋 1個
做法 ：
1. 粉葛去皮切件。
2. 赤小豆及扁豆沖洗，果皮去囊，備用。
3. 鯪魚去鱗及內藏，沖洗及抹乾。
4. 燒熱鑊落油2湯匙，將鯪魚兩面煎香，然後放入煲湯袋內。
5. 將清水注入高速煲內，將所有材料加入，蓋上鍋蓋及高速鍋閥門調較為 3度，待綠色氣閥升起後，改用慢火繼續煲 30分鐘，加入適量的幼鹽調味即成。
小貼士 :瘦肉預先用熱水飛水，可以將肉類表面污垢去除，湯水不會渾濁。若不預先飛水，可待水滾加入肉後，將湯水表面污垢去除才繼續煲。
** 用高速煲的好處當然係慳火慳時間，若果無高速煲，可以按照平日煲湯的火力去煲2小時便可 **
材料食療功效 : (資料參考來自互聯網搜尋)
粉葛 :
含蛋白質、纖維素，有開鬱散火的功效。例如胃腸有熱滯，感冒頭痛，項背肌肉拉緊疼痛，血壓高等都可以用粉葛煲湯作調理。
赤小豆 : 利小便、去水腫及袪濕等功效。
扁豆 : 有健脾、袪濕及消暑之功效。
[韋太烹飪教室] Facebook 粉絲專頁
請大家入去按 [Like]
沒有留言:
張貼留言