頂角方包 (巳加入食譜)

之前整過好多次麵包、方包，但係都未試過用方包模去學人做四平八穩的方包 ...

其實一路都唔想麻煩，又要買個方包模回來，一來又要花地方存放，二來都唔平架 ...

 

買左個模無理由唔用架... 於是今天早巳安排好做一份頂角的方包。

好耐之前巳參考過好多網站，最後選取左一個食譜份量，但真係唔記得從那一個blog內找來的.. (請大家見諒)

第一次做都尚算成功，因為都覺得升得幾好，都算有少少頂角及方形 !

不過就無焗得太耐，顏色差少少及剛焗好就心急切開佢影相，質地好似鬆散左啲 ?

我見原食譜份量太多水，所以自行巳減少左成10-20克水份，唔知有無影響呢 ?

明天要食完早餐才知道好唔好食　！

 

 

  頂角吐司

材料: (1個450g吐司模份量)
A) 高筋粉 320g  +  砂糖 25g  +  鹽 5g  +  奶粉 10g
B) 依士     3g
C) 清水   190g
D) 固體菜油 30g

做法 :
1. 將材料A)全部放入大盆內，中間開窩，然後將依士及清水放在中間，菜油放在粉旁。
2. 將粉糰搓再起筋後，放入大碗內用鍚紙包好發酵50-60分鐘。
3. 第一次發酵完成後將麵糰放氣及分割兩等份後再放15分鐘。
4. 粉糰造型後放入巳搽油的模內進行最後發酵 30-45分鐘或發至七成滿。
5. 蓋上吐司蓋，放入巳預熱的焗爐用200度焗約35-40分鐘。  如怕包面焗太濃，可以蓋上鍚紙防止表面焗得太濃。