雙層牛肉漢堡包 (內附食譜)

又係新爐試食譜的時候啦 ...

新爐附有發酵的功能 (其實係爐溫有40度，適合麵包發酵)，而且個爐又夠大，做兩份麵包食譜都可以一次過放入焗爐發酵及焗，慳返好多時間及唔使搬個自製發酵架出來發酵，又可以做少啲功夫啦 !

今次試整英式鬆餅，即係麥記的豬柳蛋包的外層麵包呢 ....

當然，韋太的三腳貓功夫仔，得個少少樣似 !

在凍肉店買左漢堡扖，就一於整兩層漢堡包啦 !

 

  英式鬆餅

麵糰材料 : (可以做 6 個)
1.高筋粉 300 克  / 奶粉 15 克  / 鹽 4克  / 牛油 10 克
2.即用乾依士 6 克 +  砂糖 4克  + 溫水 180 克

包面粉 :　玉米粉　適量 

做 法 :

1.將高筋粉放入盆內，然後將奶粉、乾依士、砂糖及溫水加入，粉面放上鹽及牛油用手將麵糰搓至有筋性及不黏手後，將麵糰搓圓放入盆內發酵45分鐘或發酵至原來麵糰2-3 倍大。
2.將麵糰取出，輕手將麵糰按扁放氣，將麵糰分割成所需等份，再將每份麵糰搓圓， 放在檯上用保鮮紙蓋好，將麵糰鬆弛10分鐘。
3.麵糰鬆弛後，將麵糰再次搓圓，然後包上在表面噴水及底面沾上玉米粉，然後輕輕將包壓扁及放入焗盆上蓋上保鮮紙進行最後發酵，發酵至麵糰2倍大(約30-45分鐘)，要是乎天氣而定，天氣熱可能30分鐘都可以。
4.發酵完成後，在包蓋上一張錫紙，另用一個長形或方形的焗盆放在包面上，放入巳預熱190度的焗爐，用相同爐溫焗約15分鐘即成。