Cuisinart 每週食譜推介 (4)
梅菜蒸肉餅
今期韋太推介的菜色，相信每個家庭都會經常食到的。
原因係材料簡單及去到豬肉檔叫老板將肉攪碎，回家後就洗都唔洗，就可以加入調味料去醃，跟住蒸完就完成架啦 !
不過，有些人會問點解唔使”洗” ?
自己唔再沖洗一次好似唔多衛生，都係要沖一沖才放心…
韋太成日比工人姐姐鬧話邊有人會再洗架 ? 再洗會沖散晒啲肉架… 無人會再洗架 … 吓 ? 唔使咪好唔衛生囉 ?
不過，整肉餅要好食，亞蘇都教大家要自己去刴先好味架… 自己刴 ? 即係買一舊豬肉回來，沖洗乾淨後就切片，然後再開始慢慢去刴 … 要刴幾耐 ? 唔知架，每個人的手力及速度都唔同… 好難講架 !
還有，刴完都要將豬肉攪到起膠，中途又要加水入去攪..攪..攪… 要整一味好餸原來真係唔容易的。
但今次韋太用左呢部手提式攪拌器，內附有磨刀及器皿，方便攪肉及乾磨都可以。
迷你攪拌器，清洗及儲存容易，真係好方便架。
如果大家想知韋太有幾容易就做這味餸菜就快啲入去看看啦 !
梅菜蒸肉餅
材料：
梅頭豬肉 300克 (半肥瘦都可以)
甜梅菜 1 棵 (約 80克)
清水 2湯匙
調味料：
生抽 1湯匙
砂糖 1/2 茶匙
鹽 少許
紹興酒 1茶匙
胡椒粉 少許
粟粉 1 茶匙
菜油 1茶匙
製法：
1.甜梅菜用清水沖洗及浸15分鐘，搾乾水份後切幼粒備用。
2.豬肉洗淨後切片，然後分2次 (每次加入1湯匙清水) 放入手提攪拌器內攪打約1分鐘至肉攪碎及起膠。
3.將調味料順序加入豬肉內，向同一方向將豬肉拌勻，最後加入梅菜及菜油拌勻，放在巳塗油的碟上。放入鑊內大火蒸約10-15分鐘即成。
用 Cuisinart
手提式攪拌器，真係方便。因為機身附有磨刀，方便日常家庭使用來磨肉及製作各種菜色。以往在肉檔購買的攪碎豬肉，成日怕唔衛生，買回來醃製時又要將豬肉攪到起膠才好吃。但韋太用左呢部手提式攪拌器攪碎豬肉，攪完的豬肉都巳起膠，只要加入調味料拌勻便可，方便又快捷。
機身清洗容易，隨時隨地想起製作其他肉丸及菜色話都無咁易啦 !
大家係咪又心思思想擁有一部呢 ?
大家如對此產品 Cuisinart [手提式攪拌器] 有興趣就 按此查詢 啦 !
想知道如何製作班蘭蛋糕就按此 !
沒有留言:
張貼留言