Fissler 2012- 每週食譜介紹 (6) - 蝦醬通菜牛肉

夏天最常食到的蔬菜，當中包括有通菜。

炒通菜一般都可以當郊外油菜，淋上腐乳汁，即時好食好多。

一般通菜都會炒腐乳或蝦醬。而今次韋太就簡單啲，炒碟惹味啲菜色，

就係人人佳知及煮的 [蝦醬通菜牛肉]

 

 

 

蝦醬通菜牛肉

材料:
鮮牛肉      150 克
通菜        300 克
薑片        3片 (切絲)
蒜茸        2茶匙
辣椒仔      1隻  (切粒或絲)

牛肉醃料:
食用梳打粉   1/8 茶匙
清水            100 毫升

生抽         1湯匙
雞粉         1/2 茶匙
生粉         1茶匙
麻油         1茶匙

調味料:
砂糖　　 1/4 茶匙
雞粉       1/4 茶匙
紹興酒     1茶匙
蝦醬        1湯匙

獻汁  :　生粉　1/2 茶匙   清水 1湯匙 (拌勻)

做法 :
1.將牛肉切片。清水及食用梳打粉拌勻後加入牛肉內浸約 15分鐘，將水傾出，加入餘下醃料醃30分鐘。
2.通菜沖洗乾淨，瀝水備用。
3.燒熱鑊落油2湯匙，將牛肉加入快炒至8成熟，盛起。
4.另起鑊落油1湯匙，加入薑絲、蒜茸及辣椒爆香，然後加入通菜及調味料炒勻。加入半杯熱水及牛肉，蓋上鑊蓋，改用中火煮2分鐘。
5.最後加入適量的獻汁埋獻，再煮一會炒勻即可上碟。

韋太小貼士:
若想煮出來的牛肉夠霖，可以向肉店買牛霖肉或買指定部位 (腩包)，炒出來的肉質夠霖。