Fissler 高速鍋每週食譜精選 - (3) - 香蔥燜乳鴿

嘩 ! 話咁快又一星期 lu ... 韋太好似每晚放工都係在寫食譜 ? 但呢兩天唔係好妥 .. 因為昨天隻眼又無啦啦發炎，今次係眼角膜發炎，昨晚放工趕去睇完醫生，諗住拿定張醫生紙，今早再唔妥就唔返工。但起床後見無乜事，都係趕返工 .... 但就放工無乜心情坐埋位寫食譜，但係就要趕住回覆各位的查詢電郵才安心。(呢篇blog都係早幾日寫定先)
其實韋太每天放工都趕回家吃飯，食飽就快快開工試菜或製作食譜，等到 10點半後就要坐埋電腦先回覆電郵才可以寫blog或寫食譜等...
今期呢個食譜都拍左個簡單 Video，點知因為廚房太嘈，所以收音唔好 ???
無法啦，因為韋太唔係專業攝影師，識得開機巳好叻架啦 !
今期呢味餸，其實係韋太媽咪以前燜過比我食，韋太覺得用薑蔥去燜乳鴿非常惹味，好過煎炸乳鴿太熱氣。
之不過燜煮的餸菜，又好容易燜到爛 .. 好彩韋太識到用高速煲去控制，話咁易就整到一味好好味道的 [香蔥燜岡鴿] 啦 !
大家有興趣就入去看看 Video，睇下用個煲煎香乳鴿都唔沾底，又可以洗少一隻鑊。
之前未看過高速煲的操作可以入去下面看看先，然後再返來睇片啦 !
韋太介紹高速鍋的用法及操作 -->
請按此看 VIDEO 教學


 
 


香蔥燜乳鴿
材料:
新鮮乳鴿  2隻
薑片      2 片
熱水      1量杯
乳鴿醃料 :
乾蔥茸    3湯匙 
蒜茸      1茶匙
薑茸      1湯匙
生抽      2湯匙
老抽      半湯匙
紹興酒    半湯匙
砂糖      1茶匙
雞粉      1/2茶匙
粟粉      1茶匙
菜油      1茶匙
栗粉水 :　栗粉  2茶匙   清水  1湯匙  (拌勻)  
開始烹調前，請將高速鍋閥門調較度數為 : 2
綠色氣閥升起後，改用慢火繼續烹調時間 : 4分鐘 (火力要保持氣閥在綠色圈)
做法 :
1. 乳鴿清洗乾淨，瀝水後放入大碗內。
2. 將醃料加入乳鴿內拌勻醃 3-4小時或醃一晚。
3. 燒熱高速鍋，加入少許油，放入薑片爆香，放入乳鴿兩邊略煎一會，然後加入一量杯熱水煮滾。
4. 若想同時蒸飯，就要加入蒸架及放上巳洗好的白米一齊去煮。小心蓋上煲蓋，將高速鍋閥門調較度數為2，待綠色氣閥升起後，改用慢火繼續烹調時間 : 4分鐘，關掉爐火，待綠色氣壓自然降溫，開蓋將乳鴿及飯取出，煲內的汁液可以加入適量的栗粉水煮至杰身，淋在乳鴿上即成。
韋太慳家小貼士 :韋太將餘下的乳鴿汁留用，可以留待第二天用來燜煮雞翼或炒菜時加入作調味。因為汁液有濃香的薑蔥味，用來佐飯簡值一流及越食越好味!
以下影片雖然收音太差，但希望比大家看看用個煲都可以預先爆香材料及煎見鴿唔沾煲底的效果。



韋太生活小貼士 : 
Fissler Vitavit®高速鍋 
使用高速鍋可以快速烹煮各式美食，讓您瞬間就能享受美味菜餚。
Fissler Vitavit®系列高速鍋的多功能特性及多重安全保護裝置，獨特的主閥門設計優點，可讓您於同一時間及同一鍋中烹調兩至三款不同的菜式，既令菜式之間不會互相串味，又能保存食物中的營養素與味道。在設計上更花盡心思，在烹調功能、飲食潮流趨勢至生活文化，都能一一兼顧，務求達到真正的完美煮意！
健康飲食已成為一種時尚潮流，少油及保留最多養份的烹調法更是健康食物的指標。
所以，Fissler Vitavit®系列兩款高速鍋底部都設有方格凹凸面鍋底，使食物不容易粘底或燒焦，更可減少食物接觸過多油份，食得更健康。此外，為配合亞洲人經常烹調蒸煮菜式的飲食文化，所以特設兩個蒸氣排出口，使一個鍋具同時具備多種功能。
全新的安全設計 全新閥門系統：
創新的顯示系統令您在烹調過程中更容易控制火力及溫度。
黃色環 – 準備將火力調低
綠色環 – 烹調時間開始
紅色環 – 顯示溫度過高，需要將溫度調低
創新鎖定裝置：全新鎖定裝置及鍋蓋定位標示令鎖緊鍋蓋更容易、更安全。鍋蓋上的標示令鍋蓋更易定位，而新的鍋邊設計令鍋蓋更容易蓋上。
安全鎖定顯示器 – 嘀嗒一聲就可以扣上鍋蓋。手柄可以顯示出鍋蓋是否正確地扣上，然後才進行加壓。
Download 產品資料 --> 請按
多謝收看 !