2011 年 -美心秋日臘味呈獻 - - 臘味創意食譜 (1) - 臘肉生菜包

巳踏入秋季都成個月，但係天氣仍然好熱。但好采呢兩日開始轉涼，大家又要急忙開始換季。
上星期收到美心產品部的同事電話，又有產品送贈給 Bloggers 試食及創作一些新意的食譜。 上年韋太都創作左多個食譜，慶幸還有機會將食譜放入名人食譜內，讓大家欣賞。
所以，星期五收到產品後，就即時忙於構思新菜色，趕住在星期六、日製作。

 
星期六晚就一口氣製作左兩個食譜，而呢個食譜連韋大少爺都話非常之配合及不油不膩。
大家食時記住用一片新鮮的生菜或生菜包去夾住啲餡來吃，才可以食出那甘香的臘肉香味。
做法及材料簡單，作為宴客菜色又不失大體及有特色。
臘肉生菜包
美心鮮肉鴨胸      1件
美心鮮肉臘腸      1條
美心鮮肉膶腸      半條
馬蹄 (去皮)       6粒
急凍什菜粒        100 克
西生菜 / 唐生菜   8-12片
材料 :調味料 :幼鹽            1/4 茶匙
雞粉            1/4 茶匙
砂糖            1/4 茶匙  


獻汁 :
粟粉    1/2 茶匙     清水  1湯匙

做法 :
1. 將所有臘肉放在碟上，放入鑊內蒸約15分鐘，放涼後全部切粒，備用。
2. 什菜粒解凍瀝水。 馬蹄去皮切粒備用。
3. 燒熱鑊油1湯匙，先將什豆放入炒一會，然後加入臘肉粒及調味料一起炒。
4. 贊入2湯匙熱水入鑊，炒勻。加入適量的獻汁，即成。
5. 將巳炒好的臘肉放在生菜上，食時再用生菜包住伴食，可以去除油膩。




大家不妨試下及慢慢品嘗啦 !