但係自從公司搬左去九龍灣之後，一切都正在改變 ... 連人都會呀 !
點解 ? 因為公司升呢左，要求高左，做野多左，放工又遲左 ．．．
平日星期二至三係最平靜的日子，而家改為最忙，反而星期四、五就無咁忙，因為所有工作都提前趕住做晒囉 !
所以，今天放工無啦啦就 530 趕住放工，一個人走左去油麻地二記買材料及到上海街買工具。買完差不多成七點鐘，人地都趕收工。而韋太又要背著十幾磅的東西重到 C趕回元朗。
因為韋太巳吩咐工人姐姐買齊及整定材料，待韋太回家製作今晚的主菜 ....
就係 [娃娃菜雲耳麵筋炒蘿蔔糕] ，韋太今晚無食飯，成碟餸韋太食左 2/3 碟，因為越食越好味 ...
此菜色製作非常之簡單，又無乜難度。新年用來招乎朋友當晚飯菜色之一都好特別 !
材料有 :
娃娃菜 / 雲耳 / 麵筋 及 美心瑤柱蘿蔔糕 各適量
調味料 : 鮑魚汁 / 砂糖 / 老抽 / 生抽 / 雞粉 各適量
做法 :
1. 先將蘿蔔糕切條及兩面煎香備用。
2. 麵筋用熱水沖洗表面油份，榨乾水切半或原個。
3. 雲耳用清水浸軟去蒂後備用。
4. 燒熱鑊落油，先將娃娃菜炒至軟身，加入雲耳煮片刻，加入調味料炒勻後，最後加入蘿蔔糕炒勻後即可上碟。
注 : 若唔用鮑魚汁可以改用蠔油代替
係咪好簡單呢 ?
新年記得買定啲蘿蔔糕做餸菜啦 !
大家若果未買賀年糕點，可以到美心網站參觀一下啦 !
參觀請 按 ----> 此制
沒有留言:
張貼留言