2011 年 -美心蘿蔔糕創意食譜 (3) - 照燒帶子蘿蔔糕

美心出品的瑤柱蘿蔔糕材料真係好多，每一啖食落口都充滿海味的鮮美。
韋太雖然星期一至日都好忙，但係一般都係越忙就做得越起勁，所以，提起玩食譜創作，韋太雖然唔叻，但係都會參與玩埋一份。
今早突然有靈感，加上屋企雪櫃常備一些急凍食材，所以就立即致電工人姐姐幫手準備材料。調味只有口述搖控教工人姐姐去醃材料及做定一些簡單的工序。
誰不知，唔知佢聽唔明或是唔清楚，原本韋太打算要將蘿蔔糕切成正方形，最後工人姐姐切成長條形 ... 真係比佢激死 !!!
韋太唯有照做啦 ! 不過，大家做這菜色時就記得切方形呀 !


 照燒帶子蘿蔔糕   
材料 :
急凍帶子  6 粒  /  美心瑤柱蘿蔔糕  6小件 (切成方形)
蔥粒  適量
汁料 : 照燒汁  1 湯匙  / 清水 1湯匙 /  味霖  1茶匙
栗粉  1茶匙  (將汁料拌勻備用)
做法 :
1. 先將帶子解凍及用廚紙吸去水份後加入少許鹽及胡椒粉醃一會。
2. 將蘿蔔糕兩面煎香備用。
3. 帶子吸乾水份，表面沾上少許栗粉，放入鑊內兩面煎至金黃色，然後放在蘿蔔糕面及晒上蔥粒。
4. 照燒汁用小鍋煮至滾起及杰身後收火，淋在帶子上即成。
這款可以當作雅致點心都好 Grand 架 !
大家快啲試下啦 !
大家若果未買賀年糕點，可以到美心網站參觀一下啦 !
 參觀請 按   ----> 此制