2010 年 -美心臘味 [簡易煮食、好味有新意] - 韋太創意食譜 (5) - 蓮藕鮮百合炒臘片

唔知大家鐘唔鐘意食蓮藕呢 ? 其實韋太係好鐘意煲蓮藕章魚豬踝湯，然後將煲完湯的蓮藕再拿去炆南乳排骨 … 嘩 ! 即時減肥大計都唔理，一於加汁撈飯，即時食番兩碗飯及食晒所有蓮藕。平時煲完湯的湯渣都唔會食，但係蓮藕就真係好好味架 !
還有 ..  蓮藕片用來炒咸肉都非常好吃，不過今天韋太要介紹的當然唔係炒咸肉，而係炒臘肉。
但係又唔想食落有肥膩的感覺，所以加入鮮百合去炒清清地及順便吸收臘肉的香味。但係一時唔記得加入鮮豔的青綠顏色去配搭一下，假若大家要試做呢個餸菜，都可以自行加入甜豆都好好味架。
講開臘腸，呢款係用頭抽加入去醃肉餡，味道非常出眾。但係韋太怕韋生見到就怕怕啦..因為太多肥肉，韋生要食好瘦好瘦的臘腸。所以，之前一款超瘦的臘腸佢就無問題。
材料簡單 :

食譜名稱 : 蓮藕鮮百合炒臘片

產品推介 : 頭抽鮮肉臘腸
材料 :
頭抽鮮肉臘腸   2條
蔥頭               1粒 
蓮藕               250克
鮮百合           100 克
甘筍              100克 (切片)
調味料:
雞粉    1 茶匙
砂糖   1/2 茶匙
鹽     1/8 茶匙
紹興酒  1/2 茶匙
熱滾水  250 毫升
獻汁:
粟粉   1茶匙
清水   1 湯匙
做法 : 1. 將臘腸切粒備用。
2. 蔥頭去衣，然後切絲。
3. 鮮百合拆開一瓣瓣，然後沖洗乾淨，瀝水備用。
4. 蓮藕去皮後切片備用。
5. 燒熱鑊落少許油，預先將臘腸爆香後盛起。
6. 另再起鑊落1湯匙油爆香乾蔥茸，然後加入甘筍片及臘腸片炒一會，最後加入蓮藕片、調味料及熱滾水，用大火煮約 5分鐘。
7. 最後，加入獻汁煮一會，收乾汁液後即可上碟。







蓮藕的營養價值:蓮藕含維他命C及豐富鐵質，有補血、助眠、清涼退火、涼血散瘀，婦女產後生冷皆忌，只有蓮藕不忌、止渴、開胃、利尿、止咳 等功效。
百合有潤肺止咳、寧心安神、補中益氣的功效。

美心臘味產品參考圖片 -->　請按此