2011 年 -美心蘿蔔糕創意食譜 (５) - 我不是春卷

脆口的食品大家經常都想食，食完又怕熱氣。但一講到話要用大鑊油去炸野，真係怕麻煩但又想食，點算好 ?
唔炸得唔得呀 ?
當然得啦 ! 改用焗的方法啦 !
原本打算係用春卷皮去包餡料的，但係唔知係咪包春卷放在冰格太耐，一時間要佢解凍，全部黐埋一起，最後當然唔要得啦 ... 但係韋太準備好材料點算好 ? 唔使怕，韋太還有一包 Filo 皮做後備，所以，最後改用 Filo 皮，焗完還好香脆。

 
 材料 :
 Filo 皮     適量  /   甘筍    半個  (切絲)  / 椰菜   1/4 個  (切絲)
 美心蘿蔔糕   適量 (切條)   /  牛油溶液    適量
 做法 :
 1. 先將甘筍絲及椰菜絲放入鑊內加入少許鹽或雞粉調味炒至軟身，盛起瀝水備用。
2. 蘿蔔糕切條及兩面煎香備用。
2. 將 3-4層的 Filo 皮 搽上牛油溶液，放上適量餡料及慢慢卷起，表面全部掃上牛油溶液及收口搽上牛油。
3. 放入巳預熱200度的焗爐，焗約 15分鐘或至金黃色即成，切件上碟。
 注 : 如要番熱食，要用焗爐烘熱，千奇唔好用微波爐番熱
 [我不是春卷] 食落有酥香的味道，但餡料又不油不膩，連韋老爺都話越食越好食 !
注 : 唔想用 Filo 皮可以改用春卷皮去包，表面搽上菜油才入去焗爐焗，都有香脆的口感架 !


大家若果未買賀年糕點，可以到美心網站參觀一下啦 !
 參觀請 按   ----> 此制